DHF'den Dersim'e Dair Zazaca Açiklama

“Dêrsim” bi(eve) polîtîkayê qirkerdis/ înkar/asîmîlasyon ra yeno çîn kerdene! Welatê xo, ramiteya (kultirê) xo, ameyoxê xo bi (eve) qeweta xo yê raxistin (orgutlu) ra biseveknîme!

Rind yeno zonitene ke Dêrsim: waxtê verên ra nika, Dewleta Osmanî ra na rozê ma, her dem; zonê xo, îtîqatê xo, ramîteya xo verva zilm û zordarî de sevekno. Û - cokra- kîsîyayis, surgin, vêsanîye, kul û dece kî ju leteya xo bîyo.

Hete bîn ra kî koyê Dêrsim; î yê ke verva nu tofanê zilm de xoverdanê, dêrgusê îno bîyê. Dêrsim ju nîsanê xoverdayis û pêrodayis bîyo. Nu en muhîm leteya nasnameya (kamîyê) Dêrsim o.
Dêrsim çar koka bingeyin ser bîyo Dêrsim. Dêrsimij zonê xo ra, îtîqat û ramiteya xo ra, hardnîgarîya (cografyayê) xo ra û dîroka (tarîxê) xo ra bîyê Dêrsimij. Nî çar ustinê kî birijîyo ne Dêrsim, Dêrsim maneno ne kî Dêrsimijo...

Nê rastîyê Dêrsim; na tawo de, welat û sarê xo ra pîya ju herîsa (werte herîsê –saldiriyê- hata nikayî de en girs û muhîm) girîng (muhîm) û girs ra tê rî yê. Hete ra hardê Dêrsim vila kerdene, hete bîn ra kî dejenerasyon ser plan û pesnumayê (projeyo) dewlet dewam kenê...
Bendawo ra wazenê ke Dêrsim biheneqnerî...

Gola bendo ra zuxaronê (vadîyonê) Dêrsim kerdê pir. Gile koyê nî zuxaro serê kî qaraqolê neweyo nayî ro. Hîn fikirîne ke Mamekî ra qazayonê bîno jumîn ra cîya bikerê. Ju komê sarê Dêrsim kî dewo vesnayene ra, surgin ra tîpa kî Dêrsim de mendo, cero ra amo; îno kî welatê xo ra teber kerî. Dêrsim vila bikerî...

Dêrsim ser plan û pesnumayê dewlet, 38 ra hata nika qirkerdis ra înkar ra, asîmîlasyon ra est pêser ama na rozê ma, nika kî zur û dekê bîno ra verba ma de rê. Hesabê gurmika peyêne de rê.
Hete ra “açilimê” kird û elewiyo ra, vateyê “demokrasîya raverî” ra; hîn fikirîne ke, ma peyê zuronê xo de kaskerê. Wazenê ke ma bingeya nasnameya xo ra dur fîyerê, ma kulturê sar ê domokratîk-soresgerî ra biqerefnerî.

Hete ra kî plan kene ke tayî projeyî taybetîyo ra sarê/ramiteya/tarîxê Dêrsim tam hard ra wedarê ya kî kase sîndorê xo kerî, rayê xo ra vecerê.
Ju projeya asîmîlasyone ra Sarê/Ramiteya/ Tarîxê Dêrsim hard ra wedardene: ZanengehaTuncelî û Cemaatê Gulen...

Zanengeha Tuncelî ra pîya Dêrsim de xebatê cemaatê Gulen kî bî deyra... Zanengeha Tuncelî xebatkarê cemaatê xo ra kenê pir. Têre -ze- 38 domononê Dêrsim benê zob cayo de wendegehonê xo de danê wendene. Wazenê ke domon û xortonê Dêrsim nasnameyê xo ra bivisnerê. Cemaatê gulen ju xançere de axuyin a, vilê Dêrsim de...

DHF (Federasyona Mafan Demokratîk), nu fîkir û zanayîs ra weng dano; dewe de, suke de, wendegeh de, qol (soqak) de... Verba nî plan û polîtîkayê dewlet de hayig bîme. Seba çareserîyê nî persgirê (sorunê) xo, bi (eve) tekosîna (mucadeleya) raxistin ra vinderîme, wayîrê ked (emeg) û ameyoxê xo bivecîme. Peyê rêzonê DHF de bêrîme pêser.