Torne Sey Rizay, Rustem Polat, 22ye Guciga 1997i, Frankfurt

Radio Zaza: Nika ma ewru Frankfurt derime, ju meymane ma esto, wazeme ke meymane ma, xo ma re naskerdene dero; ala meymane ma kamo?

Rustem Polat: Ez Desim ra torne Sey Rizayo, yane. Öwro suka Frankfurt di yurus bi. Yuruse Aleviyo. Ma ki amaym, tey yurus di bim. Ita no heval rast ama, tene qesikerdena mi vat biceri ci, eji ki zaf memnun biyo. Wes o war bo, Haq raji bo. Eee, na milete ma vesno, döwe ma vesne, milet persano. Dewon di kes cino. Birligi mesela kuli ju bi, pia buguriye. Xo dest di, hawa ki destebera sima yena, calis be. Ne nece nesle ma vesnene. Dewleta Tirk’ hawa ki ma re kerda hata roca öwro niqedia. Nay ra tepia ki ma vaym ki firset ma dest diro, ma ciye hali bikerim. Ez nay hende vaci. Nika zamane ma cino, ma yurus dirim. Öwro musait zamane ma ki bibiene, ma daa zede qesi kerdene. Ee, wes o war be, kunduro re silamo von. Name mi Rustem Polato. Ez Desim rao.

R. Z.: Nika ez wazon ciyo de bin pers bikeri. Tae vane ke Sey Riza ke siyo dar agaciye se vato, to ae ma ra reyna vaze, milete ma bihesnero?

R. P.: Sey Riza siro ki siyo dar agaciye, vato: »Seyd Sedat, evlad-i Resûl’um, evlad-i Kerbela’yim, ayipdir, bi xetayim« yane: awa ki sima kene zulmo, nae kes nekeno. Sey Rizay na vato. Siro ki dar agaciye di »Seyit Sedat evlad-i Resûl’um, na kerdayna sima rind niya«, Sey Riza na vato pe hesnayna mi niawa. Ee, tae ki vane ki, Sey Riza siro ki siyo dar agaciye, vato ki yane “ez son dar agaciye, mi ra tepia Kurdistan mano, Kurdistan gencligi mesele hefe ma cene”, ino re nay ki vato. Na hen ki vane, nizon. Ez na hesiyo pe.

R. Z.: Name ni zoni ke ma qesey keme, ciko?

R.P.: Name ni juani Kirmanckiyo. Juane mao, ma Kirmancki qesi kem. Juane Ma ye Desimiyo.

R.Z.: Haq raji bo!

R.P.: Haq to ra ki raji bo!

 

 

DOSTÊ MA:  Zazaki.de   |  Piya Portal   |  Huseyin Aygun   |  AABF  |  Tunceli Emek |  Faruk Iremet    |  FDG   | Zaza Der